Hlaðvarp um lífið í fjórðu vaktinni

Lóa Ólafsdóttir

Ég er fædd árið 1983 og hef mest alla tíð búið í Reykjavík. Ég er gift Tryggva Farestveit og saman eigum við þrjár stúlkur.

Ég lauk BA prófi í sálfræði árið 2008 og starfaði um tíma sem starfsmannastjóri. Ég lauk master í fötlunarfræði árið 2015 og master í sérkennslu árið 2022. Samhliða því tók ég marga áfanga í leikskólakennaranum til að fá leyfisbréf sem kennari. Ég hef starfað í kennslu í rúm tíu ár – þá vegferð hóf ég sem sérkennari í leikskóla og lengst af starfaði ég sem sérkennslustjóri. Árið 2020 færði ég mig yfir í grunnskóla og starfaði sem sérkennari í grunnskóla í Reykjavík. Í dag starfa ég sem umsjónarkennari/sérkennari í Klettaskóla.

Ég hef lagt mikla áherslu á að sækja mér þekkingu og námskeið í tengslum við þennan málaflokk og hef lokið fjölda námskeiðum til að styðja við nám fatlaðra barna. Samhliða vinnu og námi hef ég starfað sem liðveisla og stuðningsforeldri.

Þessi málaflokkur stendur mér einnig nærri þar sem ég er móðir fatlaðrar stúlku og hef ég viljað styrkja mig til að tryggja henni betri tækifæri í lífinu. Það skiptir mig miklu máli hvernig unnið er með fötluðum börnum og þeim tryggt góð og jöfn tækifæri til þátttöku í samfélaginu.

Sara Rós Kristinsdóttir

Ég er fædd 1988 og er uppalin og íbúi í Reykjavík. Ég er gift Agnari Bergmann Birgissyni og á tvö stráka sem eru fæddir 2006 og 2013.

Ég starfaði í félagsþjónustustörfum í nokkur ár sem stuðningsaðili við geðfatlaða, aldraða og veika einstaklinga. Það hefur alltaf verið ástríða mín að aðstoða fólk og vinna að bættu samfélagi. Árið 2011 gekk ég í félagasamtök sem heita JCI (Junior Chamber International) þar sem markmiðið er að aðstoða fólk að verða besta útgáfan af sjálfum sér og vinna að betra samfélagi. Þar hef ég meðal annars verið verkefnastjóri í verkefni um vitundarvakningu um þunglyndi og náungakærleika, leiðbeint á námskeiðum og kennt ræðumennsku í nýsköpunarkeppni grunnskólanna fyrir krakka á aldrinum 10–12 ára nokkur ár í röð.

Ég er menntuð sem félagsliði, markþjálfi og NLP-markþjálfi, hef lokið grunn- og framhaldsnámi í Ráðgjafaskóla og grunn- og framhaldsnámi í barna-jógakennaranámi. Ég hef sótt fjölda námskeiða um geðheilbrigði og er með brennandi áhuga á öllu sem snýr að samfélaginu.

Ég á fyrirtæki sem heitir Lífsstefna, stofnað sem ehf árið 2017. Ég hanna, útbý og er með í sölu eflandi vörur, þá helst fyrir börn og unglinga, og hef komið að innflutningi á vörum sem eru hugsuðar fyrir fötluð og langveik börn. Samhliða þessu er ég með samfélagsmiðilinn Lífsstefna þar sem ég fræði um einhverfu, ADHD, geðheilsu og ýmis tengd málefni. Ég er einnig í fag-notendaráði Gló stuðningsfélags.

Þessi málaflokkur stendur mér afar nærri hjartanu og hefur gert það í mörg ár. Þekki ég það af eigin raun að standa 4. vaktina og vil gera sem ég get að miðla minni reynslu og þekkingu þangað sem hennar er þörf. Við erum samfélag og við stöndum aldrei ein.